ዮናታን መንክር ካሳ እባላለሁ፡፡ ከ14 ዓመት በፊት በጣም ወጣት ሳለሁ፣ በ Nile Basin Initiative ስር በነበረው የNile Basin Discourse መዋቅር ውስጥ የNational Nile Youth Network ጸሐፊ ሆኜ ስለ አባይ ጉዳይ የነቃ ተሳትፎ አድርጌአለሁ፡፡

የአባይ ጉዳይ፣ ከመቀነቷ ያላትን ፈትታ ሳትሰስት በደስታ ከለገሰችው እናት፣ በሚሊዮኖች እስከለገሱት ኢትዮጵያውያን ድረስ አንድ ያደረገን ግድባችን፣ በቅርብ ዘመን ሁላችንንም ከዳር ዳር በአንድነት ያቆመን እና ያስተሳሰረን አንድ ነገር ቢኖር ይኸው ግድባችን ነው፡፡

ከምንም በላይ ግድባችንን በራሳችን ሙሉ አቅም ብቻ እያገባደድንበት ያለው ሂደት እና በውጭ ኃይሎች ሲደረግብን የነበረውን የቅኝ አገዛዝ ውሎችም ጭምር ባለመቀበል ያሳየነው የ21ኛው ክፍለዘመን አርበኝነት የትውልዳችን አሻራ ነው፡፡

ራሴን ጨምሮ፣ የምወዳችሁና የማከብራችሁ ጓደኞቼና ወዳጆቼ በዚህ ህጋዊና ኦፊሲዬላዊ የገንዘብ ማሰባሰብያ ድረ-ገጽ ላይ የምትችሉትን ሁሉ ለዚህ የጋራ ምልክታችን ለሆነው ግድባችን እንድትለግሱ አደራ እያልኩ፣ በቅርብ ጊዜ ግድባችን ሙሉ ለሙሉ ሲጠናቀቅ፣ በግድቡ የሲቪል እና ሜካኒካል አካሎች ሁሉ አሻራችንን እንደማስቀመጥም እንደሆነ ማሰብ የበለጠ ያበረታናል ብዬ አምናለሁ፡፡
አብረን ስለሆንን እና የዚህ ታሪክ ባለአሻራዎች ስለሆንን ደስ ይበለን፡፡